Defensores integrantes da Federación Iberoamericana de Ombudsman danse cita en Cartaxena de Indias con temas como a seguridade cidadá e os dereitos humanos na axenda.
O Valedor do Pobo, Benigno López González, participa en Cartaxena de Indias (Colombia) no XV Congreso e Asemblea Anual da Federación Iberoamericana de Ombudsman (FIO), que arrinca oficialmente maná, aínda que a Rede de Defensorías das Mulleres, da que forma parte a institución, inicia durante esta xornada a súa reunión anual como antesala do debate.
O encontro deste ano, que se celebra no centro de Formación da Axencia Española de Cooperación Internacional para o Desenvolvemento, porá sobre a mesa de debate cuestiones como a seguridade cidadá e os dereitos humanos. Os defensores participantes exporán as medidas que ao seu xuízo poden garantir a protección e seguridade dos migrantes, das vítimas da violencia, dos individuos en condición de refuxio e sobre o delito transnacional de trata de persoas.
A inauguración contará coa presenza de Judith Pinedo, Alcaldesa de Cartaxena de Indias, Beatriz Merino, Presidenta da FIO, Serge Malé, Director Adxunto da Oficina do ACNUR para as Américas e Marcelo Pisani, Xefe de Misión da Organización Internacional para as Migracións en Colombia.
Participantes Ademais da representación do Valedor do Pobo, o Congreso conta coa presenza de Defensoras e Defensores titulares dos países membros da Federación Iberoamericana, entre os que se atopan o Defensor del Pueblo español, defensores autonómicos e de países iberoamericanos. Asímesmo participan no encontro anual, as integrantes da Rede de Defensorías de Mulleres de Iberoamérica, o equipo directivo da Defensoría del Pueblo de Colombia, axencias do sistema de Nacións Unidas como a Organización Internacional para as Migracións-OIM e a Oficina do Alto Comisionado das Nacións Unidas para os Refuxiados-ACNUR- e axencias de Cooperación Internacional, entre outros.
A Federación Iberoamericana de Ombudsman (FIO), reúne a defensores, procuradores de dereitos humanos, provedores, razonadores e presidentes de comisións estatais de dereitos humanos dos países iberoamericanos nos ámbitos nacional, rexional e autonómico.
FUENTE: Valedor do Pobo de Galicia, España.