O Valedor do Pobo, Benigno López González, entregará o próximo 25 de novembro á Presidenta do Parlamento de Galicia o seu Informe Extraordinario Persoas sen fogar en Galicia, que analiza a situación do colectivo de cidadáns que habitan e pasan a noite nas rúas galegas, carentes de recursos económicos suficientes e dun teito baixo o que poder vivir.
Para acometer a investigación, Benigno López, promoveu a visita de persoal da institución a máis de trinta centros e servizos dirixidos a atender as necesidades desta poboación na nosa comunidade. Tamén solicitou información sobre diferentes plans e estatísticas respecto diso das administracións competentes e de entidades sen ánimo de lucro que desenvolven a súa tarefa a favor destas persoas.
O documento parte dunha análise conceptual e estatística para penetrarse no mundo destes marxinados. O Valedor acudiu ao seu encontro en albergues, centros de inserción, comedores sociais, fogares de transeúntes, etc. onde puido manter entrevistas con algúns dos seus usuarios e os equipos que traballan nos mesmos.
Como conclusión do traballo, o Valedor do Pobo dirixirá unha serie de recomendacións ás administracións públicas, principalmente a diferentes departamentos da Xunta de Galicia e gobernos municipais, co obxectivo de que desenvolvan accións encamiñadas a mellorar as condicións de vida destas persoas, que en moi poucas ocasións chegan a expor a súa problemática ante o Valedor do Pobo por propia iniciativa.
FUENTE: Valedor do Pobo de Galicia, España.